Доколку живеете во стан или куќа без двор, а сакате куче, важно е да откриете кои раси се идеални за живеење во помали простори.
Сепак, важно е да се напомене дека на секое куче, без разлика на расата, може да му стане досадно во мал простор, што доведува до несакано однесување. Затоа често шетајте го вашето куче или играјте си со него за да има ментална стимулација.
Басетот е типично скромно куче. Умерено е енергично, но со возраста станува помалку активно. Повеќето басети уживаат во секојдневната прошетка, но не им требаат многу активности.
Бишоните се омилени меѓу љубителите на мали раси. Тие се обично лојални и среќни кучиња со средно ниво на енергија. Иако е познато дека многу малите кучиња лаат, бишонот не е премногу бучен. Дневните игри и прошетки треба да бидат доволни за да се задоволат потребите за активности на бишонот.
Булдозите со средна големина имаат умерено ниво на енергија. Неопходна е редовна физичка активност, но расата има прилично ниска толеранција за активност. Обично се доволни една или две прошетки и неколку игри. Булдозите се генерално лојални, весели придружници. Обично се прилично тивки миленичиња.
Кралскиот кокер шпаниел типично е расположен и весел, но мирен и нежен. Има средно ниво на енергија, погодно за дневни прошетки и игри. Сепак, оваа раса е многу социјална. Може да биде умерено гласен, но најмногу сака да се склопчува на каучот и да спие.
Чиваваите имаат повисоко ниво на енергија. Бараат секојдневни прошетки и игра, но бидејќи се многу мали, за нивните активности ќе биде доволен и мал стан. Некои чивави може да бидат малку погласни, особено кога ќе слушнат потенцијални натрапници, но со соодветна обука можете да го спречите лаењето.
