Египетскиот велемајстор со голот против Милан си обезбеди место во клупската историја израмнувајќи се со легендарниот поранешен капитен.
Мохамед Салах го израмни рекордот на Стивен Џерард за најмногу постигнати голови на „Енфилд“ во Лигата на шампионите. Синоќа, Египќанецот му даде гол на Милан кога во 48. минута израмни на 2:2.
Овој гол беше 14-ти за Салах постигнат на „Енфилд“ во Лигата на шампините, со што се израмни на вечната листа со клупската легенда Стивен Џерард.
Пред да дојде во Ливерпул, Салах во својата кариера имаше постигнато само три гола во ова натпреварување (2 за Базел, 1 за Рома). Но, откако стапна на „Енфилд“ прерасна во гол-машина.
Синоќа имаше шанса веќе да избие сам на таа листа, пред Џерард, но пеналот кој го доби да го шутира во 14. минута не успеа да го реализира откако голманот Мајк Мењан му одбрани.
Всушност, ова му е само втор промашен пенал во 19 обиди во дресот на Ливерпул, а прв промашен по октомври 2017.