Египетскиот фудбалски великан Мохамед Салах конечно ја објасни позадината зад неговата нова прослава на гол, која ја спроведе на почетокот на новата сезона.
Во пресрет на продолжението на сезоната по репрезентативната пауза, Салах зборуваше за англиските медиуми, а во таа прилика појасни за прославата на голот при што имитира употреба на лак и стрела.
Вели дека на идејата дошол уште одамна, кога го гледал спектаклот на УФЦ и борбата за појасот меѓу Исраел Адесанја и Алекс Перејра.
„Мислам дека гледав УФЦ, Перејра против Адесанја. Кога Адесанја го нокаутираше Перејра во втората борба, тој така славеше. Ми се допаѓа прославата, затоа и го направив тоа“, изјави Салах, објаснувајќи дека некои навивачи погрешно ја разбрале прославата.
Mo Salah borrows Israel Adesanya celebrationpic.twitter.com/WqLZisnsA6
— вkσmík (@bkomun) September 3, 2024
„Јас сум фан на УФЦ, но луѓето го сфатија тоа како да ги имитирам нашите египетски фараони кога тие цртаат нешто во храм или некаде во пирамидите“, изјави Салах за Men in Blazers.
Адесанја ја изведе прославата за „стрелаштво“ откако го нокаутира Перејра во нивната втора борба на 8 април 2023 година.
На овој начин Салах ги прослави своите први сезонски голови против Ипсвич, а сега со Ливерпул го чека продолжението на сезоната во Премиер лигата и саботниот дуел со Нотингем Форест во 4. коло.
