Салах на излезна врата: Разочаран сум, немам понуда од Ливерпул за нов договор

Египетскиот фудбалер од редовите на Ливерпул, Мохамед Салах, изјави дека е разочаран бидејќи сѐ уште не добил понуда за продолжување на договорот со англискиот клуб, јавува денеска BBC.

Салах (32) е член на Ливерпул од 2017 година, а египетскиот репрезентативец има договор со англискиот клуб до 30 јуни 2025 година.

„Не сум добил понуда за продолжување на договорот. Речиси е декември и сѐ уште не сум добил понуда да останам во клубот“, изјави Салах.

Во неделата фудбалерите на Ливерпул го совладаа Саутемптон со 3:2 на гости, а Салах постигна два гола за клубот од „Енфилд“.

„Фокусиран сум на оваа сезона. Сакам да ја освојам Премиер лигата, а се надевам и Лигата на шампионите. На 'Енфилд' сум долги години и нема ваков клуб во светот. Како што реков претходно, декември наскоро ќе дојде, а јас сѐ уште не знам за иднината во Ливерпул, но ќе видиме, одлуката не е во мои раце“ рече египетскиот виртуоз.

Салах за Ливерпул досега одигра 367 натпревари во сите натпреварувања на кои постигна 223 голови. Пред да дојде во Ливерпул летото 2017 година настапуваше за Рома, Фиорентина, Челси, Базел и Ел Мокаулун