Филмот на Анџелина Џоли Without Blood со Салма Хајек во главната улога беше претставен на Меѓународниот филмски фестивал во Торонто.
Познатите актерки се појавија заедно на црвениот тепих, а Хајек на новинарите им откри како е да се работи со Анџелина.
„Знаеше дека јас сум вистинската актерка за оваа улога“, рече Хајек и додаде дека и самата на почетокот не била свесна за тоа.
Хајек, која глуми жена која мора да помине низ војната и нејзините последици, сметала дека е „премногу болно“ да мора да се става во кожата на тој лик со недели.
„Анџелина некако ме убеди да ја прифатам оваа улога и станав свесна за важноста на овој лик надвор од околностите на филмот“, објасни мексиканската актерка.
Со Џоли можела да се потпре на фактот дека може да ѝ се јави „во три часот наутро во апсолутен очај“.
„Џоли доаѓаше среде ноќ и ме прегрнуваше“, рекла Салма.
