Познатиот готвач Salt Bae во последно време стана многу попознат по своите испади отколку по готвењето и рестораните кои првично го прославија.
Готвачот, чие вистинско име е Нусрет Ѓокче и е етнички Курд од Турција, на својот Instagram профил има речиси 50 милиони следбеници. На оваа платформа синоќа објави слика од Пеле со пораката „Фала ти многу“ оддавајќи му почит на Кралот на фудбалот.
Сепак, се чини дека објавата не им се допадна многу на неговите следбеници, па го преплавија со коментари од типот „Немој да се прикрадеш на погребот“, „Те молам немој да одиш на погребот“, „Кажи ни дека не те поканија на погребот“, „Организаторите ги советувам да ангажираат обезбедување за време на погребот“...
Ова е поради тоа што Salt Bae беше на финалето на Мундијалот во Катар каде потоа некако се протна на теренот за време на церемонијата на доделување на пехарот, се сликаше со Лео Меси, дури и го зема в раце пехарот - што е забрането.
