Свет

Салвини: Примањето бегалци во Eвропа е самоубиствено однесување

10. јануари 2019 - 8:43 | А.С.

Прифаќањето нови бегалци во Европа е самоубиствено однесување, оцени италијанскиот вицепремиер Матео Салвини на синоќешната заедничка прес – конференција со полскиот министер за внатрешни работи  Јоахим Бруџински.

Тој истакна и дека како министер за внатрешни работи на Италија нема да дозволи примање мигранти.

– Како министер никогаш нема да се согласам на примање нови мигранти. Се согласувам со полските колеги дека е потребно да ја забрзаме постапката за депортација, рече Салвини по средбата со Бруџински.

Италијанскиот министер, на прес – конференцијата рече дека примањето нови бегалци е „ризик од типот на пилот камиказе“.

Полскиот министар изјави дека со Салвини го разгледал проблемот на миграцијата, посебно состојбата во северна Африка и на Блискиот исток и оти како членки на Европската унија со надворешна граница, Италија и Полска имаат слични проблеми.

– Би сакал посебно да нагласам дека Полска смета дека најефикасна помош за проблемите на лицата засегнати од воени судири е да им се помогне на место, значи на тоа место каде ги погодува реалната трагедија, рече Бруџински.

Тој нагласи дека Полска секоја година ги зголемува финансиските средства за хуманитарна и развојна помош, дека во 2017 година хуманитарната помош  била шест пати поголема од 2015 кога почна бегалската криза и оти хуманитарната помош достигнала 41,5 милиони евра.

Коментирај