Во изминатите 24 часа во земјава се регистрирани само 5 новозаразени лица од коронавирусот, двајца починати и 95 оздравени.
Во изминатите 24 часа направени се 249 тестирања, а потврдени се 5 нови случаи на COVID-19 и тоа во:
2 - Скопје
1 - Куманово
1- Прилеп
1 - Тетово
Досега во земјата се направени вкупно 17.246 тестирања на коронавирус.
Во однос на оздравените пациенти од вчера направена е исправка, 2 лица кои се испишани од Инфективната клиника во Скопје од Прилеп и Струга се сѐ уште позитивни на вирусот, но во добра општа состојба и се пуштени на домашно лекување.
Денеска Институтот за јавно здравје регистрира 95 оздравени пациенти и тоа:
38 - Куманово
32 - Скопје
16 - Прилеп
7 - Велес
2 - Тетово
Вкупната бројка на COVID дијагностицирани во нашата земја од почетокот на епидемијата изнесува 1.511, бројката на оздравени пациенти е 945, на починати е 84, а во моментов бројот на активни случаи во земјата изнесува 482.
Во ГОБ „8 септември“ почина пациент од Куманово на возраст од 94 години, хоспитализиран на 28 април, а денеска институтот регистрира и пациентка од Струга на возраст од 69, која починала на 29 мај на пат кон болницата во Охрид. Од страна на ЦЈЗ Охрид е земен постпортем брис кој покажал присуство на вирусот.
