Среќата е најважниот фактор во одржување на бракот, бидејќи вашиот сопружник може да влијае на вашата лична среќа доколку врската не е квалитетна. Ако сте несреќни со некого, која е смислата да бидете со него?
Според германска студија од 2020 година, среќните парови водат посреќни животи. Значи, ако сакате да бидете среќни во животот, внимавајте при изборот на доживотен партнер.
Германските истражувачи открија интересни податоци за типот на маж кој долгорочно ќе ве усреќи.
Истражувањето открило дека е најдобро да избегнувате луѓе кои имаат склоност кон анксиозност, емоционална нестабилност и депресија. Луѓето кои се во брак со невротични луѓе имаат помали шанси да бидат среќни од луѓето кои не се во брак со ваков тип личност.
Ако вие лично имате некои од овие тенденции можеби треба да поработите на тоа бидејќи овие резултати можат да се применат и на мажи и на жени.
Втората карактеристика на сопружник е некој кој ги поставува семејните цели над целите во кариерата.
Според студијата, жените се најсреќни кога се мажени за маж на кој семејството му е на првото место. Минувањето долги часови на работа за да го издржува семејството не се смета како ставање на семејството на прво место.
Студијата откри дека и мажите и жените кои работеле повеќе отколку што сакале биле помалку среќни од оние кои минувале повеќе време со семејството.