Ако секој ден го миете целото тело со сапун, може да уништите многу корисни бактерии кои се наоѓаат на кожата.
Откако е почната пандемијата со коронавирусот, секојдневно слушаме дека мора да внимаваме на хигиената, редовно да ги миеме рацете за да се заштитиме себеси и другите од вирусот. Тоа секако е точно, но може да наведе да помислите дека е потребно секојдневно темелно миење на целото тело.
Сепак, претераното капење или туширање може да донесе бројни проблеми. Според докторите, освен рацете, само три дела на телото треба секојдневно да ги миеме со сапун, а тоа се пазувите, препоните и стапалата. Токму на тие место се создаваат габи или на нив може да дојде до некаква инфекција. Всушност, на тие делови на телото кожата е најчувствителна.
„Остатокот од телото може само да го измиете со вода. Ако целото тело го миете со сапун може да ги уништите сите корисни бактерии на кожата“, објаснува д-р Робин Чуткан, основач на Центарот за жени во Мериленд.
Според Сенди Скотницки, професор по дерматологија на Универзитетот во Торонто, темелното миење на целото тело со сапун и вода може да доведе до кожни проблеми како појава на егземи и слични состојби. Наместо тоа, подобро е да се фокусирате на оние делови кои навистина треба темелно да се измијат.