Samsung Galaxy Note 9 доаѓа наскоро. Кои новитети ќе ги донесе, колку ќе чини и кога би можеле да го видиме? Еве што знаеме.
Samsung Galaxy Note 9 е на само три месеци од официјалното претставување, а најновите гласини говорат дека ќе ја задржи својата импресивна големина и дека Samsung со гордост ќе го претстави како негов најголем и најлуксузен смартфон.
Кога точно излегува?
Најновите извештаи говорат дека ќе го видиме околу 23-ти август, датумот кој за потсетување беше ден на претставување и на претходните Note генерации.
Цена?
Нема да биде евтин. Што е нормално за таков модел. Неговиот претходник Galaxy Note 8 чинеше 930 долари, а „деветката” сигурно нема да биде поевтина.
Останати карактеристики
Најголемата гласина поврзана со Samsung Galaxy Note 9 е онаа која се однесува на сензорот за отисок од прсти, кој наводно треба да се наоѓа под самиот екран. Станува збор за долгоочекувана карактеристика, а најновите гласини велат дека Samsung моментално тестира неколку решенија за сензор во замиот екран, што би можело да ослободи повеќе простор за батеријата. Гласините се дека ќе има батерија со капацитет од 4.000 mAh, што би било апсолутен рекорд за смартфоните на Samsung.
Samsung Galaxy Note 9 би требало да има Snapdragon 845 процесор, 6GB RAM и Аndroid 8.1.
