Специјалното издание на Samsung за паметниот телефон Galaxy Z Flip 3 наречено Pokemon Edition се распродаде за само неколку минути во Јужна Кореја.
Продажбата се отвори преку продавницата Galaxy Campus на Samsung во Сеул и онлајн продавницата, а сите достапни уреди се распродадоа за само неколку минути по цена од 1.024 долари за парче.
Специјалното издание, односно пакетот, вклучува кутија дизајнирана на тема од популарните Pokemon, смартфон, специјална Pokemon чанта, налепници Pikachu, држач за мобилен телефон Pokeball и прстен за клучеви Pikachu. Исто така, дел од пакетот е и едногодишен план за осигурување Samsung Care+.
Засега не е познато дали овој специјален пакет ќе биде достапен и на други пазари освен во Јужна Кореја.