Samsung ги претстави новите два модела од серијата А, Galaxy A71 и А51.
Новите два модела наговестуваат како ќе изгледа новиот Samsung S11.
Смартфоните А71 и А51 се многу слични.
Имаат AMOLED екран со централно позиционирана селфи камера.
А51 и А71 имаат препознатлив патерн наречен Prism Crush, кој најверојатно ќе го има и новиот S11.
Што се однесува на новите модели од серијата А, тие имаат одлични спецификации.
Samsung Galaxy А71 има 6,7 инчен екран со резолуција 2.400x1.080 пиксели, неименуван окта-кор процесор, 6 или 8 GB RAM, 128 GB интерна меморија, microSD слот, четири задни камери меѓу кои главната има 64 MP, селфи камерата има 32 MP.
Сензорот за отпечаток од прст е втиснат на екранот, а батеријата има 4.500 mAh.
Достапен е во четири бои, црна, сребрена, сина и розова.
А51 има 6,5 инчен екран со иста резолуција, неименуван окта-кор процесор, 4,6 или 8 GB RAM, 64 или 128 GB интерна меморија, microSD слот, четири задни камери од кои главната има 48 MP, a селфи камерата има 32 GB.
Samsung Galaxy A51 има батерија од 4.000 mAh.
Достапен е во црна, бела, сина и розова боја.
A51 чини најмалку 350 долари во Виетнам, а цената на моделот А71 сè уште не е позната.