Технолошкиот гигант Samsung ги најави најновите модели на смартфони – А8 и А8 Plus, кои се создадени за љубителите на добрите фотографии, а љубителите на селфиња ќе уживаат во двојната предна камера.
А8 има 5.6 инчен AMOLED дисплеј, додека А8 Plus ќе биде малку поголем, со дисплеј од 6 инчи.
И двата уреди ќе имаат две предни камери, едната со 16, а другата со 8 MP. Задната камера кај двата модели ќе биде со 16 MP, а ќе постои опција да се избере помеѓу модели со 32 GB и 64 GB внатрешна меморија. Покрај тоа, телефоните ќе имаат можност да се дополнат со microSD мемориска картичка до 256 GB.
A8 моделот доаѓа со 4 GB RAM, додека А8 Plus ќе има две опции: една со 4, и друга со 6 GB RAM.
Исто така, двата модели се водоотпорни, и се првите модели на Samsung кои се компатибилни со опрема за виртуелна реалност.
Уредите ќе бидат достапни во четири бои: црна, сива, златна и сина. Новите А8 и A8 Plus ќе бидат пуштени во продажба уште на почеток од следната година, многу веројатно уште во јануари, но сѐ уште не се знае нивната цена.