Во текот на оваа година, од Samsung се потрудија да понудат смартфони кои поддржуваат 5G мрежа, но да имаат пристапна цена, па сега од компанијата го најавија моделот Galaxy A42 5G.
Од Samsung сè уште не се објавени сите детали за уредот, но се знае дека ќе има 6,6-инчен Super AMOLED екран и 4 камери.
Како што може да се види на рендерите, дизајнот на задната страна е поинаков за разлика од другите модели. За селфи камерата е одбран дизајн во облик на капка.
Samsung планира да го лансира новиот A42 5G оваа година, а засега не е познато колку ќе чини. Но доколку се земе предвид бројот на моделот, се очекува дека ќе биде поевтин од моделите A51 5G и A71 5G коишто чинат 500, односно 600 долари.
Samsung го најави и таблетот Galaxy Tab A7 со 10,4-инчен екран и звучници со Dolbu Atmos технологија.
