Компанијата Samsung планира да ги претстави новите флегшип смартфони малку порано отколку што се очекуваше.
Типувачот Џон Просер тврди дека Samsung на 14 јануари ќе го одржи настанот на кој ќе го претстави новиот Galaxy S21 или Galaxy S30. Просер најави дека продажбата ќе започне на 29 јануари.
Тој наведе дека Samsung ќе претстави три уреди: Galaxy S21, Galaxy S21 Plus и S21 Ultra кои ќе бидат достапни во црна, бела, сива, сребрена, розова и виолетова боја.
Oвие информации се совпаѓаат со претходните најави на другите типувачи кои исто така најавија дека новите уреди ќе пристигнат во јануари.
Останува да почекаме да видиме дали претставувањето ќе се случи во јануари бидејќи Samsung обично ја претставува серијата S во февруари.