Samsung Electronics само што го сруши личниот рекорд за најголем профит во еден квартал. Податоците кои ги објави компанијата се многу охрабрувачки, иако продажбата на моделот Galaxy S9 разочара годинава.
Од компанијата објавија дека очекуваат заработка од 15,5 милијарди во оперативен профит и преку 57,5 милијарди во приход за третиот квартал од 2018 година. Овие бројки се за 20% повисоки во однос на минатата година и скоро 12% повисоки од претходниот рекорд на компанијата од првиот квартал оваа година, кој изнесуваше 13,7 милијарди.
Обично Samsung не ги прикажува деталните податоци за продажба и приходи до крајот на годината, затоа ќе мора да почекаме за да видиме што е тоа што го поттикнало успехот на компанијата оваа година.
Моделот Galaxy S9 разочара во продажбата, но истото може да се каже и за главниот конкурент на пазарот – iPhone XS. Голем дел од профитот се должи на новите OLED дисплеји кои ги произведува Samsung, а истите се користат и во смартфон моделите на Apple.