Компанијата Samsung подготвува нов тип на батерии што се сосема различни од сегашните литиум-јонски.
Samsung SDI, компанија-ќерка на јужнокорејскиот технолошки гигант, моментално работи на развој на батерии во цврста состојба што би требало да траат подолго од литум-јонските, во поглед на животниот век.
Според шефовите на компанијата, новата технологија би требало да биде подготвена за година-две, а Samsung би можело да премине на користење на новите батерии во цврста состојба до 2019 година.
Новите батерии за мобилни уреди ќе се разликуваат по тоа што нема да им биде потребна течност за спроведување на јоните, па со самото тоа технологијата е побезбедна и постабилна.
Samsung SDI вели дека останува на матичната компанија да одлучи во кој момент ќе премине на новата батерија, но нагласи дека новата технологија е веќе доволно „созреана“ и е на ниво на она што го прави конкуренцијата (алудирајќи на LG Ghem која исто така се занимава со планирање и производство на батерии во цврста состојба).