Италијанскиот репрезетативец Сандро Тонали е новото засилување на Њукасл, потврди клубот на неговата официјална страница.
Познато е дека Милан и Њукасл имале договор веќе неколку недели, но се чекало младиот фудбалер да се врати од Европското првенство У-21 за да се потпише договорот.
Ова денес и официјално се случи, а Сандро Тонали потпиша за 80 милиони плус бонуси и така стана најскапиот италијански игра на сите времиња.
Навивачите на Милан деновиве се во шок поради овој потег на клубот.
Тонали ќе заработува 8 милиони евра по сезона во Њукасл плус бонуси и претставува најголемото засилување пред повратничкиот настап во Лигата на шампиони. Договорот е потпишан на шест години.
