Во изминатите 24 часа на територијата на државава полицијата затекнала и санкционирана речиси 600 несовесни граѓани кои не ја почитувале заштитната мерка за носење маска.
Министерството за внатрешни работи информира дека вкупно 597 лица биле затекнати без заштитна маска на места каде што носењето е задолжително.
Маската заштитува од ширење на коронавирусот COVID-19 и токму затоа МВР засилено продолжува со активностите против несовесните граѓани.
Синоќа беа потврдени уште 7 смртни случаи поради коронавирусот кој најмногу се шири токму поради неодговорно и несовесно однесување.