Бројките на заразени со COVID-19 продолжуваат да растат, а една од главните причини за ова е непочитувањето на мерките, особено на онаа за носење на заштитна маска. Секојдневно се казнуваат непримерни и несовесни граѓани кои не носат заштитна маска на места каде е задолжително и директно придонесуваат кон ширење на опасниот вирус.
Од МВР известија дека во текот на изминатото деноноќие, односно 7 и 8 март, на територијата на државава се регистрирани 659 прекршоци во однос на мерката за носење маска како превенција од ширење на коронавирусот COVID-19.
„Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со COVID-19“, апелира МВР.
