Во текот на изминатото деноноќие од страна на полициските службеници констатирани се 975 прекршувања на уредбата на носење заштитна опрема. Најголемиот дел од нив се подрачјето на СВР Битола.
Со оваа бројка, вкупно до сега констатирани се 9.156 прекршоци за неносење лична заштита на лицето, информира Министерот за внатрешни работи Наќе Чулев.
Во координација со Државниот пазарен инспекторат извршени се 383 контроли во објекти при што не се евидентирани објекти кои не ги почитувале одлуките на владата. Најголемиот дел од контролите се направени на подрачјето на СВР Штип.
Во текот на изминатото деноноќие на територијата на целата држава на вкупно 593 лица им се издадени решенија за изолација, а 308 лица потпишале изјави за самоизолација. Од страна на полициските службеници извршени се контроли кај лица во изолација и самоизолација при што се евидентирани 6 лица кои не ги почитувале овие мерки.
Во државен карантин спроведени се 66 лица.
