Собранието на кантонот Сараево официјално донесе одлука трансверзалата А, на подрачјето на Општина Нови Град - МЗ „Добриња А“ и „Сарај-Поле“, да се преименува во трансверзала А „Михаел Шумахер“, во чест на истакнатиот хуманитарец и почесен граѓанин на Сараево, чии дела Сараево не ги заборава.
Инаку, седумкратниот светски шампион во Формула 1 првпат дојде во главниот град на Босна и Херцеговин во 1996 година, а потоа и во декември следната година.
Пристигна во организација на HOPE и УНИЦЕФ за да ги посети повредените деца во болницата „Кошево“. Целта на неговата посета беше како дел од проектот на УНЕСКО за собирање пари за специјализирана болница за децата во Сараево, жртви на гранатирање и мини.
По агресијата врз Босна и Херцеговина, Шумахер плати медицински третман и протези за децата кои ги загубиле нозете и рацете за време на војната, со што ги освои симпатиите на Босанците и Херцеговците . Како специјален амбасадор на УНЕСКО донираше значителни средства за проекти во Сараево.
Во 2013 година Шумахер доживеа тешка несреќа додека скијаше на француските Алпи. Удри со главата во карпа и падна во кома, а семејството не сака да открива детали за неговата моментална состојба.
