Маурицио Сари на свечена конференција за медиумите денеска беше претставен како нов тренер на Јувентус.
Роден во Неапол, Сари ја презема „Старата дама“ откако една сезона го водеше Челзи со кој го освои третото место во Премиер лигата и Лига Европа.
„Кога заминував од Неапол, сакав да работам во странство. Уживав во Англија, но во еден момент почувствував дека сакам да се вратам во Италија. Никогаш не сум видел таква желба на еден клуб да им бидам тренер. Луѓето ме дочекаа со раширени раце, а Јувентус е најголемиот клуб во Италија. Ова е круната на мојата кариера во која одев чекор по чекор. Серија Ц, Серија Б, Серија А, Премиер лига и сега Јувентус“, рече Сари.
Новинарите го прашаа како би ја споредил италијанската лига со англиската.
„Имаме многу за одење додека да стигнеме до тоа ниво. Огромна е разликата во инфраструктура. Гостувајќи по стадионите во Англија сфатив колку лоши услови имаме во некои делови на Италија. Атмосферата околу фудбалот исто така е значително поразлична. Таму поразите не се доживуваат толку драматично во Италија, поинаков е менталитетот“, одговори Сари.
„ Се радувам што ќе работам со Кристијано Роналдо. Сум тренирал големи играчи во мојата кариера, но уште сум немал некој како него“, рече новиот тренер на Јувентус.