Биографскиот филм за легендарниот фронтмен на групата Queen, Фреди Меркјури, се планира да се снима веке неколку години наназад. Актерот Саша Барон Коен требаше да го глуми Меркјури, но се откажа, па дури сега откри што била конкретната причина.
Коен претходно изјави дека се откажа од проектот поради „креативни разлики“ со преживеаните членови на бендот Queen. Во ново интервју со Хауард Стерн, Коен изјави дека за ова имало две причини.
Прво, фактот што сметал дека треба да има реалистичен, биографски филм што најдобро ќе го прикаже Мекјури,случките на бендот во врвот на нивната кариера, како и приватниот живот на Фреди Меркујри (кој беше геј и умре од компликации од СИДА во 1991-та година.), а бендот сакал неексплицитен филм, наменет за целата публика. А втората причина за повлекување на Коен од проектот, е фактот што членовите на бендот, кои се и продуценти на филмот, сакале смртта на Мекјури да се случи некаде на половина од филмот, а остатокот од истиот да го прикаже тагувањето на членовите од бендот.
„Никој не сака да гледа филм во кој главниот лик умира од СИДА на пола, а остатокот од групата продолжува понатаму“, вели Коен. Тој вели дека членовите на бендот се одлични музичари, но не се добри филмски продуценти.