Според шпански Sport, на повидок е сензационален трансфер во саудиската лига.

Ал Хилал, клубот кој минатото лето го донесе бразилскиот напаѓач Нејмар, очајно сака Бразилецот да си замине. Нејмар речиси воопшто не игра, не ја доживува тамошната лига, не е заинтересиран за сериозна рехабилитација по тешката повреда и не вреди клубот да го држи на плата од дури 100 милиони евра годишно. Плус, неодамна повторно се повреди. Шпанците пишуваат дека Саудијците не можат повеќе да издржат и прават сè што е потребно за да се ослободат од него.
Неговиот договор истекува во летото 2025 година, а Ал Хилал ќе му понуди на Нејмар раскин на договорот уште зимава. Но, тие се многу заинтересирани за потенцијална трампа, со Ал Наср, од ладе сакаат да го доведат Кристијано Роналдо.

Sport пишува за „бомбата“ и најголемата размена во историјата на фудбалот. Ал Хилал би прифатил дури и значително поголема плата на Роналдо само за да се ослободи од Нејмар. Но, засега нема индиции дека Роналдо, кој неодамна изјави дека кариерата ќе ја заврши во саудиската лига, би го прифатил тоа.
39-годишниот Роналдо оваа сезона постигна 10 голови на 14 натпревари за Ал Наср и има плата од приближно 215 милиони евра годишно, што значи дека Хилал би го чинел над 100 милиони евра повеќе од Нејмар. Нејмар, кој е седум години помлад, оваа сезона одигра само 42 минути фудбал.
🚨 𝗕𝗥𝗘𝗔𝗞𝗜𝗡𝗚: Cristiano Ronaldo is on Al-Hilal's target list of replacements for the possible departure of Neymar.
— Topskills Sports UK (@topskillsportuk) November 6, 2024
(Source: @SPORT) pic.twitter.com/cNMSTmEdQQ