Саудијците пуштиле двојник на Кашоги од конзулатот на денот на убиството

Снимки од камерите за надзор покажаа дека на денот кога исчезна Џамал Кашоги, од саудискиот конзулат во Истанбул излегува припадник на саудиската служба за разузнавање облечен во облеката на новинарот, со лажна брада и диоптриски очила.

Потоа „лажниот Кашоги“ продолжил да се шета низ Истанбул во текот на денот на 2 октомври.

Тој наводно е дел од 15-члениот саудиски тим што се сомничи за смртта на Кашоги. Снимката со маскираниот човек е направена неколку часа откако новинарот последен пат бил виден жив, како влегува во амбасадата.

Човекот од видеоснимката е идентификуван како Мустафа ал Мадани, според турски извор на CNN. Маскираниот човек подоцна бил виден кај Сината џамија во Истанбул, велат турските инспектори.

Турските медиуми пишуваат дека членовите на саудискиот тим го нападнале 59-годишниот Кашоги во конзулатот, му ги исекле прстите, го убиле и го расчеречиле.

Објавувањето на снимката следи откако турските медиуми објавија дека припадник на безбедносниот тим на саудискиот принц Мохамед бин Салман обавиле четири телефонски повици до кралската канцеларија од саудискиот конзулат во Истанбул на денот кога Кашоги бил убиен внатре.

Денеска CNN ја објави снимката на која Ал Мадани се појавува облечен во кошулата, сакото и панталоните на Кашоги, маскиран со лажна брада и очила, што укажува на тоа дека целата операција била однапред смислена.

Ал Мадани бил виден истиот ден претходно на аеродром само со мустаќи.

Во првите неколку дена по исчезнувањето на Кашоги, саудиските служби првично тврдеа дека Кашоги излегол од конзулатот, што укажува на тоа дека саудискиот тим го имал однапред испланирано неговото убиство.

Саудиски претставник потврди дека човекот кој излегува од конзулатот е Ал Мадани. Тој исто така рече дека откако бил пресретнат од тимот, Кашоги бил приклештен за вратот, поради што случајно починал, а потоа неговото тело било изнесено од зградата завиткано во тепих.

Во петокот, Саудиска Арабија призна дека Кашоги е мртов, откако претходно повеќепати тврдеше дека истакнатиот критичар на принцот излегол од конзулатот жив и здрав.

Во соопштението стоеше дека новинарот загинал во „тепачка“ и дека владата отпуштила петмина високи службеници и уапсила 18 други како дел од првичната истрага.

„За жал, направена е огромна и сериозна грешка и ве уверувам дека одговорните ќе бидат изведени пред суд“, изјави вчера саудискиот министер за надворешни работи Адел ал Џубеир за Fox News, и додаде: „Уште не знаеме каде е телото.“

реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Како е поврзано пиењето кафе со ракот на дебело црево?

Read more

Во која храна ги има трите минерали најважни за тироидната жлезда?

Read more

Свет

Пет сценарија како Франција може да се вмеша во војната во Украина

Read more

Путин: Обвинувањата дека Русија ќе ја нападне Европа по Украина се глупост

Read more

Италија има план како да ја сотре мафијата – Коза ностра прва на нишан

Read more

Објавено аудио за херојот од Балтимор: Веднаш блокирајте го сообраќајот на мостот

Read more
 

Вести

Синоним за престиж – Шпаркасе Банка ја претстави новата дебитна картичка Visa Platinum

Читај повеќе

Странските компании загубија 107 милијарди долари со повлекувањето од Русија

Читај повеќе

Пет сценарија како Франција може да се вмеша во војната во Украина

Читај повеќе

Трет ден се трага по Данка, се проверуваат телефоните на родителите

Читај повеќе

Раст на Волстрит по три дена пад

Читај повеќе

Путин: Обвинувањата дека Русија ќе ја нападне Европа по Украина се глупост

Читај повеќе

Италија има план како да ја сотре мафијата – Коза ностра прва на нишан

Читај повеќе

Ковачевски: СДСМ ќе ја внесе Северна Македонија во ЕУ и ќе ги зачува вредностите на ЕУ дома

Читај повеќе

ГРОМ, Интегра и ПЦЕР се здружија: Коалицијата Храбро за Македонија нема да поддржи уставни промени ниту пред, ниту по изборите

Читај повеќе