Саудиската принцеза Хаифа бин Мохамед Ал-Сауд ги угости славниот фудбалер Лео Меси и неговите пријатели кои се на посета во Џеда.
На Меси му е доделена титулата за амбасадор на туризмот во Саудиска Арабија и по тој повод тој допатува во Џеда заедно со неколку пријатели.
Неговата сопруга и трите деца останаа во Париз. По пристигнувањето, Меси беше пречекан од принцезата Хаифа бин Мохамед Ал-Сауд и министерот за туризам Ахмед Ал-Хатиб. Меси и неговите пријатели прошетаа низ старите делови на Џеда, запознавајќи се со древните историски знаменитости.
Принцезата Хаифа со објава на Twitter потврди дека историјата, уметноста и сјајот на историска Џеда оставиле исклучителен впечаток на гостите.
