Милијардерот од Саудиска Арабија, принцот Ал Валид бин Талал, ќе додели бонус од 1 милион ријали (266.500 долари) на секој фудбалер на Ал Хилал за победата од 3:2 над бразилски Фламенгу и пласманот во финалето на Светското клупско првенство во Мароко.
Принцот Ал Валид, кој е претседател на групацијата Kingdom Holding, е голем навивач на Ал Хилал и објави на социјалните мрежи дека ќе ги награди играчите со сличен износ доколку победат во саботното финале.
Паралелно со ова, саудискиот спортски канал SSC јави дека секој фудбалер на Ал Хилал ќе биде награден со 500.000 ријали од саудискиот министер за спорт, за пласманот во финалето.
Ал Хилал стана прва саудиска екипа која обезбеди пласман во финале на Светското клупско првенство, во кое в сабота ќе игра против победникот од второто полуфинале меѓу европскиот првак Реал Мадрид и египетски Ал Ахли, што се игра вечерва од 20:00 часот.
Саудискиот шампион синоќа со головите на Салем Ал Досари во првото полувреме, двата од белата точка, и на Аргентинецот Лусиано Вието во 70. минута, со 3:2 го совлада победникот на Копа Либертадорес за кој головите ги постигна Педру во 20-тата и 91. минута. Фламенгу од судиското надополнување во првиот дел играше со десетмина откако Жерсон доби втор жолт поради играње со рака.