Селена Гомес вчера го прослави својот 33-ти роденден, а покрај емотивната порака што ја сподели со фановите, еден необичен детаљ на нејзината роденденска торта го привлече вниманието на многумина, изненадувајќи ги.
Наместо соопштение за роденден, Селена ја искористи можноста да го привлече вниманието кон важно прашање - менталното здравје на младите.
На нејзиниот роденден, 22 јули, таа ја потсети јавноста за Rare Impact Fund (Фонд за ретки влијанија) - организација што ја основа со цел да го подобри пристапот до услуги за ментално здравје за младите луѓе ширум светот.
„Пред пет години, на мојот роденден, го лансиравме Rare Impact Fund со едноставна цел: да им помогнеме на младите луѓе ширум светот да се чувствуваат видени и поддржани. Менталното здравје отсекогаш ми било лично важно и сакав да создадам нешто што ќе донесе трајни промени“, напиша Селена.
Додаде дека фондот досега, благодарение на донациите, успеал да им помогне на повеќе од два милиона млади луѓе и да поддржи 30 организации низ целиот свет. „И ова е само почеток“, рече таа, поканувајќи ги сите да се приклучат на иницијативата. „Ви благодариме што сте тука, едни за други и за следната генерација. Тоа е она што значи да се има ретко влијание.“
Но, покрај оваа порака, внимание привлече и роденденската торта што ја објави. Имено, зелената торта во облик на срце привлече коментари поради необичниот детаљ, каде што наместо свеќи тортата имаше декорации во облик на кисели краставички.
Овој необичен избор предизвика бројни реакции на социјалните мрежи.
„Не сум сигурна, но роденденска торта со тема кисели краставички едноставно звучи погрешно“, напиша еден корисник. Друг се пошегува: „Торта со тема кисели краставички?“, додека трет додаде: „Зошто никој не зборува за свеќичките во облик на краставица?“
Интересно е и тоа што нејзиниот вереник, Бени Бланко, уште во 2024 година го истетовира логото на нејзиниот омилен бренд за кисели краставички, Best Maid Pickles, на ноктите на нозете. За Денот на вљубените од Тексас ѝ испрати голема тегла од нив, а потоа сподели видео на TikTok на кое ги пржи во масло.
@itsbennyblanco fry pickles and get laid
♬ Little Things - Adrián Berenguer
