Познатиот актер Пирс Броснан присуствуваше на финалето на УС Опен, а моментот кога се појави во преносот во живо ги воодушеви корисниците на социјалните мрежи.
Броснан го следеше мечот меѓу Александер Зверев и Бен Шелтон – кој на крајот го доби Зверев – а снимката со познатиот актер сега масовно се споделува на интернет.
На интернет пристигнуваат бројни пофалби за снимателот и режисерот на преносот, кои направија премин од кадар на часовникот што одбројуваше до 0:07, директно на кадар од познатиот актер.
Клипот беше споделен и на официјалниот профил на УС Опен со натпис: „Се викам Бонд, Џејмс Бонд“.
„Чиста уметност“, „Режисерот на преносот на УС Опен чекаше часовникот да покаже точно 0:07. Потоа веднаш се префрли на Пирс Броснан во публиката. 0:07. Самиот Џејмс Бонд. Без титлови. Без објаснување. Само совршен тајминг“, „Дајте му покачување на дечково“ – ова беа само дел од коментарите што ги преплавија социјалните мрежи.
Броснан го играше легендарниот агент 007, Џејмс Бонд, во вкупно четири филма во периодот меѓу 1995 и 2002 година.
Тој ја започна својата култна улога во филмот GoldenEye, успешно оживувајќи ја франшизата. Потоа следеа хитови како Tomorrow Never Dies и The World Is Not Enough а од франшизата се прости со улогата во Die Another Day – филм што истовремено ја одбележа и 40-годишнината од филмскиот серијал.
