Џенифер Лопес се појави на последниот тренинг пред квалификациите за Формула 1 трката во Саудиска Арабија, пристигнувајќи во тесен жешкорозов костум со соодветни розови очила за сонце.
Комбинезонот што го носеше имитира униформа на Ф1 тркач, а парчето имаше преден и заден патент. Вклучуваше и потемно розев појас околу половината, кој се поврзуваше со сребрена кружна тока на предната страна.
Изгледот пејачката го спои со проѕирни сандали и сребрена клач чанта. Косата си ја врза во тесно опавче. Беше фотографирана со болидот на Ферари на Шарл Леклер и тимот.
„Додадов малку сјај во Формула 1“, напиша Џеј Ло на фотките од тренингот.
Нејзината фотографија беше споделена и на официјалната Facebook страница на Формула 1 со порака која си поигруваше со стиховите од нејзината песна „Waiting for tonight“: „Џеј Ло пристигна. Мислите дека ги чека квалификациите вечерва?“.
Пејачката, по посетата на претквалификацискиот тренинг, подоцна во текот на денот настапи на настанот во Формула 1 кој ја најавуваше Големата награда на Саудиска Арабија.
Заедно со пејачката настапија и Ашер и групата Major Lazer.
