Џеки Чен, додека гостуваше во „The Kelly Clarkson Show“, откри дека кантри музиката одиграла клучна улога во неговото учење англиски јазик откако се преселил од Хонгконг во САД.
Појавувајќи се во емисијата, Чен рече дека во неговите рани денови во Холивуд тешко ги разбирал режисерите на филмските сетови.
„На почетокот не разбирав ништо. Секогаш имав свој преведувач на дијалози кој ќе го преведеше она што ми го кажуваа“, рече Чен.
Откри необичен, но корисен начин на кој го научил јазикот.
„Научив англиски слушајќи кантри песни, бидејќи се бавни“, рече тој.
Потоа го отпеа рефренот од хитот „Always on My Mind“ на Вили Нелсон, што ги воодушеви публиката и водителката.
Песната „Always on My Mind“ првично беше напишана во 1972 година, а подоцна беше преработена од Елвис Присли и Вили Нелсон, кои ја издадоа нејзината најпозната верзија во 1982 година. Чен рече дека бавното темпо и јасната артикулација на кантри музиката му помогнале да ги поврзе зборовите и да го научи изговорот и значењето во контекст.
Чен се појави во шоуто со колегите Ралф Макио и Бен Ван за да го прослави објавувањето на новиот филм од франшизата „Karate Kid: Legends“.
Макио, кој ја повторува својата улога како Даниел ЛаРусо во филмот, откри дека по 41 година снимање карате филмови, конечно заработил црн појас во реалниот живот.
„Ми требаше цел живот, но успеав“, рече тој со насмевка.
