Доделувањето на наградите SAG - Screen Actors Guild Awards (Награди на здружението на филмски актери), се одржа во Shrine Auditorium and Expo Hall во Лос Анџелес, а филмот Sinners во режија на Рајан Куглер постигна голем успех.
Актерите на Sinners ја освоија наградата за најдобра актерска екипа. Мајкл Б. Џордан беше награден за најдобар актер во главна улога во истиот филм.
Џеси Бакли беше прогласена за најдобра актерка во главна улога во филмот Hamnet. Наградата за најдобар актер во споредна улога му припадна на Шон Пен за One Battle After Another. Најдобра актерка во споредна улога е Ејми Мадиган за Weapons.
Наградата за најдобри каскадерски сцени ја освои екипата на филмот Mission: Impossible - The Final Reckoning.
Кога станува збор за серии, наградата за најдобра актерска екипа во драмска серија им припадна на актерите во медицинската драма The Pitt, а за комедија на екипата на серијата The Studio.
Најдобар актер во драмска серија е Ноа Вајли во The Pitt. Најдобра актерка во драмска серија е Кери Расел во The Diplomat.
Наградата за најдобар актер во комедија му припадна на Сет Роген во The Studio. Кетрин О'Хара беше постхумно прогласена за најдобра актерка во комична серија, исто така во The Studio.
За најдобар актер во минисерија беше прогласен Овен Купер за Adolescence. Најдобра актерка во минисерија е Мишел Вилијамс (Dying For Sex).
Харисон Форд ја доби наградата за животно дело.
Ова е последниот голем филмски настан пред Оскарите на 15 март, а добитниците на наградите дефинитивно ги рекалибрираат очекувањата за победите во главните категории.
