Paramount Pictures го објави првиот трејлер за седмиот по ред филм од серијалот Scream.
Кога нов убиец со Ghostface маска ќе се појави во мирниот град каде што Сидни Прескот (Нив Кембел) изградила нов живот, нејзините најтемни стравови се остваруваат кога нејзината ќерка (Изабел Меј) станува следната цел. Решена да го заштити своето семејство, Сидни мора да се соочи со ужасите од своето минато за да стави крај на крвопролевањето, еднаш засекогаш.
Режисер на седмиот дел од франшизата е Кевин Вилијамсон, кој беше продуцент и сценарист во првите филмови од серијалот.
Нив Кембел, по отсуството од претходниот дел, се враќа да ја репризира улогата на Сидни, а тука е и Кортни Кокс како вечната Гејл Ведерс. Тука се и Мејсон Гудинг и Џезмин Савој Браун како Чед и Минди, внуците на Ренди Микс, другарот на Синди убиен во вториот филм. Мелиса Барера и Џена Ортега, кои ги глумеа полусестрите Сем и Тара Карпентер во претходните два филма, одлучија да си заминат од проектот.
Интересно, иако ликот на популарниот полицаец Дуи Рајли беше убиен во петтиот филм (2022), името на Дејвид Аркет се појавува на листата на актерската екипа. Таму се и имињата на Метју Лилард и Скот Фоули, кои ги играа улогите на Сту Макер и Роман Бриџер, убијците од првиот и третиот филм. Не се знае која е нивната улога во новиот дел.
Премиерата на Scream 7 е закажана за 27 февруари 2026 година во САД.
