Ако сте фан на Хоакин Феникс или ве интересира што ни подготвува новиот режисер Ари Астер, тогаш Eddington е филм кој ќе ве заинтригира.
Трејлерот штотуку беше објавен, а покрај Феникс во него играат и Ема Стоун и Педро Паскал.
Филмот е сместен во мал град во Ново Мексико, за време на бурниот период на пандемијата во 2020 година. Главната приказна се врти околу конфликтот помеѓу локалниот шериф (Феникс) и градоначалникот (Педро Паскал). Конфликтот брзо ескалира во хаос, бидејќи граѓаните почнуваат да се свртуваат еден против друг.
Трејлерот ни дава краток поглед во параноичниот свет на главниот лик кој го игра Феникс. Го гледаме како опсесивно ги прелистува социјалните медиуми и сè повеќе паѓа во мрежата на теории на заговор што цветаа во тоа време. Еден момент особено се издвојува: ликот на Феникс се појавува на Fox News и изјавува: „Ако го цениш својот живот, размисли двапати, бидејќи луѓето од Едингтон сакаат оружје“.
Во актерската екипа се и Остин Батлер, Лук Грајмс, Деирдре О'Конел, Мајкл Вард, Амели Хоферл, Клифтон Колинс Јуниор и Вилијам Бело.
За режисерот Ари Астер, ова е прв филм по Beau Is Afraid од 2023 година, во кој глуми и Феникс.
Eddington ќе има светска премиера во мај на Канскиот филмски фестивал, а во кината ќе се појави на 18 јули.
