Стриминг платформата Netflix го објави првиот тизер трејлер за последната сезона на Squid Game.
Врз основа на сцените што Netflix ги вклучи во трејлерот, игрите ќе бидат рестартирани по неуспешниот бунт предводен од Сеонг Ги-хун, или Играчот 456. Иако втората сезона заврши напнато, силно навестуваше дека бунтот нема да може да стави крај на игрите.
Во тизерот, Играчот 456 е вратен во ковчег во соба полна со играчи, и откако ќе се разбуди, игрите продолжуваат. Играчите се поделени во групи, мајка и син се разделени, а до крајот на тизерот може да се слушне бебешки плач. Исто така, Џун-хо го бара островот каде што се одржуваат игрите, како и неговиот брат Ин-хо, кој сè уште е во улога на Front Man на игрите откако се преправаше дека е играч во претходната сезона.
Squid Game е јужнокорејски трилер за преживување со теми поврзани со класната борба и социјалната нееднаквост. Приказната ги следи обичните луѓе, претежно оптоварени со долгови и очајни да заработат пари, заклучени во објект каде што се принудени да играат игри. Само едно лице на крајот може да победи и да ги побара парите што играчите колективно ги собираат со освојување на игрите. Сите други умираат.
Сеонг Ги-хун, победникот на првата сезона, одлучил да се врати на островот за да се обиде да ја уништи организацијата што ги води игрите, а третата сезона ќе го открие кулминацијата на неговите напори.
Третата сезона на Squid Game пристигнува на Netflix на 27 јуни.
