Рекламата за фармерките на American Eagle во која глуми актерката Сидни Свини предизвика голема возбуда на социјалните мрежи. На снимката таа си поигрува со зборовите „фармерки“ (jeans/џинс) и „гени“ (genes/џинс) кои звучат исто на англиски, што доведе до обвинувања за „нацистичка пропаганда“.
Во видеото, 27-годишната Сидни Свини покажува пар фармерки и тексас јакна од брендот, зборувајќи за своите „фармерки/гени“.
„Гените се пренесуваат од родители на потомци, честопати одредувајќи особини како што се бојата на косата, личноста, па дури и бојата на очите“. Потоа додава: „Моите фармерки се сини“, додека ги покажува своите сини очи.
Видеото брзо стана вирално, а потоа следеше бран критики. Во продолжената верзија на рекламата, Свини нагласува дека не охрабрува никого да купува фармерки од American Eagle, ниту пак тврди дека се најудобни или најубави. Сепак, ако гледачите сакаат да ги купат, таа нема да ги спречи.
Играта со зборовите „фармерки“ и „гени“ ги налути некои гледачи, кои го протолкуваа како алузија на евгеника. Некои корисници на социјалните мрежи отворено ја нарекоа рекламата „нацистичка пропаганда“.
Во видео клип споделен од American Eagle на Instagram, Свини - која е русокоса и синоока - стои пред постер од себе со натпис „Сидни Свини има одлични гени“. Во видеото, зборот „гени“ е прецртан и заменет со зборот „фармерки“.
На Х, еден корисник напиша дека „да се има синоока, русокоса, бела жена и да се фокусира кампањата на тоа таа да има совршена генетика изгледа чудно, особено со оглед на моменталната состојба на Америка“, каде што еден од доминантните политички наративи е притисокот на администрацијата на Трамп да ги елиминира иницијативите за различност, еднаквост и инклузија.
Sydney Sweeney’s American Eagle campaign is receiving criticism for a “jeans/genes” pun that some say echoes eugenics and white supremacy rhetoric.
— Pop Crave (@PopCrave) July 29, 2025
Right-wing voices are celebrating the ad as a pushback against “wokeness.” pic.twitter.com/Q6LkOoAqbi
