Серијата South Park го менува своето име како дел од најновиот сатиричен одговор кон Белата куќа и Доналд Трамп.
Овој потег следи откако Доналд Трамп сподели нова идеја и објави мапа на која сојузната држава Ново Мексико е означена како „Нова Америка“.
„Инспирирани од храброста и патриотизмот на Apple и Google, го менуваме името на South Park во South America. Особено сакаме да ѝ се заблагодариме на нашата матична компанија, Paramount“, изјавија тие.
Тие истакнаа дека ова ребрендирање следи по претходна објава на Трамп, како и по фактот дека тој потпиша налог за преименување на Езерото Онтарио во Езеро Америка.
Исто како што Трамп не може да ги преименува географските локалитети, тој нема овластување ниту да преименува сојузна држава. Гувернерката на Њу Мексико, Мишел Лухан Гришам, ги осуди објавите на Трамп, опишувајќи ги како обид да се сврти вниманието од војната во Иран и од порастот на цените.
Тимот на South Park честопати ги исмева Трамп и неговата администрација уште од неговото стапување на должност во 2017 година. Тие го прикажуваат неговиот лик како насилник кој се заканува со тужби против секој што ќе му се спротивстави. Премиерата на новата сезона е закажана за 16 септември.
Ребрендирањето доаѓа во момент кога Paramount се обидува да ги спои своите филмски студија и телевизиски операции со компанијата WBD.
