Легендата на екранот Роберт Редфорд почина на 89-годишна возраст. Добитникот на Оскар починал во сон денеска во својот дом во Јута, во близина на Прово, објави The New York Times.
Редфорд со децении беше еден од водечките актери во Холивуд, појавувајќи се во блокбастери како Butch Cassidy and the Sundance Kid (1969), Jeremiah Johnson (1972), The Candidate (1972), The Sting (1973), The Way We Were (1973), Three Days of the Condor (1975), All the President's Men (1976) и The Electric Horseman (1979).
Подоцна во животот почна да режира и освои Оскар за филмот Ordinary People во 1980 година.
Кон крајот на кариерата се појави и како Александер Пирс во Captain America: The Winter Soldier (2014) и Avengers: Endgame (2019), кое му беше последно појавување на големиот екран.
