Американската актерка и модел Брук Шилдс (59) позираше во бикини и уште еднаш воодушеви со својот изглед и фит фигура по кои со децении е препознатлива.
Имено, на фотографиите објавени на Instagram, Шилдс може да се види како позира на песок со морето во позадина. Својата долга темна коса ја пуштила да дува на ветрот и носи црно-бел костим за капење. Фотките се направени за време на нејзиниот престој на Бахамите.
На една фотографија се гледа како Брук седи на клупа со нозете подигнати пред неа, а на објавата напиша: „Го носам мојот сосема нов костим за капење“, повикувајќи се на соработката на австралискиот бренд за костими за капење со британската дизајнерка Индија Хикс.
Шилдс позираше и со своето куче, велејќи им на следбениците; „Листајте до крај за специјална ѕвезда гостин“.
Пред неколку години таа призна дека носела едноделни костими за капење кои покриваат што повеќе, додека нејзините ќерки не ѝ кажале дека тоа е смешно бидејќи нејзиното време сè уште не е завршено.
Призна дека ѝ била потребна храброст и самодоверба да го покаже своето тело во костим за капење откако наполнила 50 години.
„Жените во педесеттите не се за фрлање. Тоа го сфатив благодарение на моите ќерки. Ако сте на таа возраст, особено ако сте актерка, тоа е како да сте ја имале кариерата за да можете да се опуштите, но мислам дека само што почнувам“, изјави тогаш Брук.
