Актерката Сидни Свини суптилно одговори на критиките упатени кон неа поради новата реклама за која позираше гола, споделувајќи на Instagram серија фотографии од познати личности кои во минатото позирале голи.
Свини објави ново видео од реклама за апликацијата Novig, која беше лансирана минатата среда, како и неколку промотивни фотографии на кои е целосно или делумно гола.
Преку Instagram таа се осврна на негативните реакции од корисниците на социјалните мрежи, кои ја обвинија дека го користи својот атрактивен изглед за да привлече корисници кон апликација за спортско обложување.
Во својата објава, актерката истакна фотографии од спортистки како Серена Вилијамс, Ронда Раузи, Сју Брд, Меган Рапино и Каролина Вожњацки, кои претходно позирале голи за разни списанија.
Покрај нив, таа посочи и на машки спортски ѕвезди кои го сториле истото, вклучувајќи ги Мајлс Герет, Роб Гронковски, Карл-Ентони Таунс и Џејсон Келси.
Рекламата првично предизвика поделени реакции на социјалните мрежи. Некои следбеници изразија незадоволство, тврдејќи дека овој пристап го сексуализира спортот и ја поткопува борбата на жените да бидат признаени за нивните достигнувања, а не за нивниот физички изглед.
„Како поранешна спортистка и жена која лично се соочила со сексистички коментари, навистина сум згрозена и разочарана од оваа кампања“, „Со години се бориме да бидеме почитувани поради нашиот талент, сила и достигнувања, наместо да нè сведуваат само на нашите тела“, „Не можеш ништо да продадеш или да важиш за ‚нормална‘ девојка ако не го користиш своето тело како алатка. Сексуализацијата на спортот прикажана во овој пример е апсурдна“, – ова беа само дел од коментарите.
