Пејачката Зарина Првасевда ќе одржи предновогодишен концерт во Скопје на 20 декември 2025 година, со почеток во 19:30 часот, во Македонската филхармонија.
Настапот ќе биде промоција на нејзиниот најнов музички проект „Кадифено“, кој ветува топло и длабоко музичко доживување исполнето со тивка магија што само музиката може да ја донесе.
За првпат на сцената во Скопје ќе настапат двајца врвни турски музичари: Џенк Ердоган, еден од најголемите мајстори на фретлес гитарата, познат светски виртуоз на инструментот, и Ахмет Алан, перкусионист и мултиинструменталист со префинета техника и изразена сценска харизма. Тие се сметаат за уметници кои со својата маестралност освојуваат широка публика.
На сцената ќе им се придружат и македонските музичари Андреа Мирчевска, добитничка на наградата „Златен орикс“ за најдобар млад џез музичар, позната како врвен басист и активна на македонската џез сцена, и Тони Арслан, виртуозен музичар од Охрид, кој започнал музичко образование уште во рана возраст и има бројни настапи и како солист и во оркестри.
Зарина Првасевда најавува дека концертот ќе биде уникатно музичко патување, полно со сончеви ритми, страст и виртуозност, создавајќи атмосфера во која публиката ќе може да ги отвори срцата, да слушне и да доживее искрена и човечка музика.
Влезниците се веќе во продажба преку продажната мрежа на drugastrana.mk. Оваа концертна промоција е најава за спектакуларна вечер која ќе го збогати музичкиот културен живот во Скопје и ќе овозможи незаборавни музички моменти.
