На социјалните мрежи циркулираат фотографии што беа прикажани на едно од последните сослушувања на озлогласениот музички могул Шон Диди Комбс.
Станува збор за огромна залиха од беби масло и лубриканти што ФБИ ги пронашло во вилата на раперот во Лос Анџелес во март 2024 година. Фотографиите биле прикажани како доказ за „свингерскиот“ начин на живот на раперот.
Пи Диди ги чувал претежно во различни простории во вилата: во фиоки и ормари, но и во кутии што личат на кутии со контролирана влажност.
Во вилата беа пронајдени и 3 пиштоли, но она што ги изненади многумина беше фактот дека беа пронајдени 200 шишиња беби масло и 900 шишиња лубрикант.
Покрај вилата во Лос Анџелес, неговата вила во Мајами беше претресена приближно во исто време минатата година, а доказите беа презентирани на суд на 20 мај.
ФБИ пронајде оружје, неколку кутии со високи потпетици што најчесто ги носат егзотичните танчерки, како и долна облека, шишиња беби масло и лубрикант и разни кеси полни со дрога. Повеќето од предметите од сексуална природа наводно биле користени за служење храна на неговите озлогласени забави.
Во судницата минатиот месец се слушнаа сликовити сведоштва за дивите забави. Неговата поранешна девојка Кеси Вентура откри дека раперот ја принудувал да оди на т.н. „секс маратони“, кои биле поттикнати од дрога. Таа исто така тврдеше дека забавите се одржувале неделно, а најдолгата забава траела 4 дена.
За потсетување, Пи Диди се изјасни за невин по обвиненијата и моментално се соочува со потенцијална доживотна казна затвор.
