Хрватската пејачка Северина синоќа го одржа првиот од двата закажани концерти во „Арена Загреб“, а на социјалните мрежи кружи видео каде пејачката паѓа на сцената во екстаза.
Имено, може да се види како скока на сцената со насмевка и држач за микрофон во рацете додека ја изведува песната „Tvoja prva djevojka“.
Сепак, набрзо се сопна и заврши на сите четири и накратко легна на сцената. Продолжи да пее, а потоа прсна во смеа.
Тоа не ја спречи пејачката да го продолжи својот настап во добра атмосфера, а публиката ја поддржа со аплауз.
@keeetiii Kraljica #severina #arenazagreb ♬ original sound - Kejt
Нејзиниот концерт синоќа во „Арена Загреб“ се одржа во рамките на турнејата „Ja samo pjevam“, која носи малку поемоционален пристап, а наместо куп танчери и костими - Северина на концертите се фокусира на музиката.
Синоќа, околу 30 музичари ја пратеа, а публиката можеше да ужива во тричасовниот настап.
За овој концерт, Северина се појави во комбинација од сребрен корсет и кожни панталони со метални детали и натпис „Seve“.
Вниманието го украде и огромна црна шапка што личеше на шубара, од која се ослободи набргу по почетокот на концертот.
