Што им требаше да го викаат Џастин Бибер да пее на финалето?

Џастин Бибер синоќа настапи на стадионот „МетЛајф“ во Њу Џерси како дел од финалето на Светското првенство, а по настапот следеа многу реакции од публиката.

За таа пригода, Бибер изведе специјална верзија на песната „Everything Hallelujah“ од неговиот последен албум „Swag“.

Бибер беше меѓу големите музички имиња кои со своите настапи го претворија финалето на Светското првенство во незаборавен настан.

Сепак, по неговиот настап, имаше поделени реакции од публиката, од кои повеќето истакнаа дека изборот на песната бил грешка, бидејќи не се вклопувала во целокупната атмосфера на настанот.

Корисниците на социјалните мрежи го опишаа овој настап како целосно потфрлање, а само некои од коментарите за настапот на Бибер беа: „Дали навистина свиреше гитара, изгледа како да се преправаше“, „Ова е вистинска приспивна песна“, „Ова е најлошиот настап на кое било полувреме“, „Не ни требаше ова“, „Зошто Џастин Бибер отпеа погребна песна за време на полувремето“, „Ова беше емотивно“.

Ве потсетуваме дека покрај Бибер, на полувремето од финалето на Светското првенство синоќа настапи и Шакира, а нејзиниот енергичен настап ја крена атмосферата на завидно ниво.