Во новата епизода од поткастот „The Joe Budden Podcast“, Виз Халифа зборуваше за својот став за обликот на Земјата и изненади со својот одговор.
Откако водителката Мелиса Форд го праша Халифа дали мисли дека Земјата е тркалезна, тој одговори: „Не. Само верувам дека живееме на рамнина“.
Кога академикот Марк Ламонт Хил го праша дали некогаш патувал до работ на Земјата, Халифа одговорил: „Не, не се работи за тоа. Мислам дека има поголема маса од она што го гледаме бидејќи ова порано било едно нешто и се проширило“.
Понатаму објасни дека кога патува, по патиштата што ги избира и начинот на кој го прави тоа, не мисли дека е можно да се оди горе-долу.
„Само одиш право. Тоа е единствената причина зошто мислам така“, рекол Халифа.
Рече и дека верува оти има повеќе копно што луѓето сè уште не го откриле и дека е скептичен во врска со истражувањето на вселената.
„Воопшто не верувам во истражувањето на вселената. Не верувам дека тие ја истражуваат вселената толку колку што велат дека ја истражуваат“, порача тој.
