Во последните 24 часа пријавени се повеќе кражби во Скопје и низ Македонија, при што украден е мобилен телефон од раката на жена која во моментот разговарала на него, потоа провалено е во куќи од каде се украдени пари и златен накит, а од основно училиште во Радовиш украдени се лаптоп компјутери, соопшти МВР.
Имено, во петокот околу 19 часот во Скопје на ул.„Солунска“ Р.Б.(41) додека се движела непознат сторител од зад грб и се доближил и и го грабнал телефонот од рака со кој таа во моментот разговарала по што го напуштил местото на настанот.
Истиот ден, во Скопје на ул.„Сливовска“ непознат сторител со употреба на подесен алат насилно го отворил прозорот од кујната по што се качил и влегол во станот сопственост на В.Р. (62) и извршил тешка кражба при што одзел златен накит и 40 евра по што го напуштил местото на настанот стекнувајќи се со противправна имотна корист од околу 120.000 денари.
Во петокот пак, во Скопје на ул.„Милан Марковиќ“ непознат сторител откако влегол во станот каде како потстанар живеел Ј.М.(46) и извршил тешка кражба при што одзел 1.500 евра, 1.500 српски динари и документи по што го напуштил местото на настанот стекнувајќи се со противправна имотна корист од околу 92.000 денари.
Во полициската станица во Радовиш, М.Ј.(46) наставник во ОУ„Гоце Делчев“, подружница село Ракитец, пријавила дека во четвртокот од страна на непознат сторител извршена е кражба на тој начин што откако влегол во училиштето одзел три лап топ компјутери, а потоа го напуштил местото на настанот.
Се преземаат мерки за пронаоѓање на сторителите.