Денеска се одбележува 9 мај, Денот на победата над фашизмот и Денот на Европа.
Денот на победата над фашизмот се одбележува по повод 9 мај 1945 година, кога со капитулацијата на нацистичка Германија заврши Втората светска војна во Европа.
Безусловната капитулација на Германија беше потпишана во Берлин од фелдмаршалот Вилхелм Кајтел, маршалот Георгиј Жуков во име на СССР и британскиот генерал Артур Тедер во име на западните сојузници. Со ова, формално заврши Втората светска војна во Европа.
Деветти мај се слави и како Ден на Европа, бидејќи на тој ден во 1950 година францускиот министер за надворешни работи Роберт Шуман објави декларација со која повикува на воспоставување нов поредок без конфликти меѓу европските земји.
Следната година беше формирана Европската комисија за јаглен и челик, која потоа прерасна во Европска економска заедница, а во 1991 година во Мастрихт беше прогласена Европската Унија.
Во Милано, во 1955 година, беше одлучено 9 мај да се слави како Ден на Европа.
