Бритни Спирс го загуби своето бебе само неколку недели откако објави дека чека дете со својот вереник.
Таа оваа вест ја потврди на Instagram.
„Со најголема тага објавуваме дека го изгубивме чудесното бебе во раната бременост. Трагедија е за секој родител. Можеби требаше да почекаме уште малку пред да се објави бременоста, но бевме премногу возбудени и ја споделивме веста. Нашата љубов е нашата сила. ќе се обидеме да го прошириме нашето прекрасно семејство. Благодарни сме за вашата поддршка. Бараме приватност во овие тешки моменти“, напиша пејачката во изјавата на својот Instagram профил.
Бројни фанови ја поддржаа во коментарите.
„Наскоро ќе се случи ново чудо“, порача нејзиниот вереник Сем Асгари.
